Back Enmannsche Kaisergeschichte German Ιστορία των Αυτοκρατόρων του Ένμανν Greek Enmannsche Kaisergeschichte English Enmannsche Kaisergeschichte Spanish Enmanns Kaisergeschichte French Enmannsche Kaisergeschichte Italian エンマン皇帝史 Japanese Enmannsche Kaisergeschichte Slovenian Enmannsche Kaisergeschichte Vietnamese
Enmannsche Kaisergeschichte ('Historia imperatorum Romanorum Enmannica') fuit, ut creditur, liber historicus vel biographicus de imperatoribus Romanis, ab Augusto incipiens et usque in annum 337 seu 357 productus, hodie deperditus, cui nec titulum nec auctorem adscribere possumus. Alexander Enmann, philologus Germanus, anno 1884 opera nonnulla de historia imperatorum e fonte communi deducta postulavit, multis eruditis etiam hodie adnuentibus. Creduntur eo opere usi esse Aurelius Victor, Eutropius, Festus, Hieronymus, fortasse etiam Ammianus Marcellinus, una cum scriptoribus Historiae Augustae et Epitomae de Caesaribus.
Res huius operis, secundum Enmann, extractae erant partim e Vitis Marii Maximi; auctorem putant nonnulli Eusebium Namneticum fuisse.